ЦУК: Екипи на терен, пожарот кај Морани, Вртекица и Габер се следеше во текот на ноќта

Екипи на Територијалната противпожарна единица на Град Скопје во текот на ноќта беа на терен и ја следеа состојбата со шумскиот пожар што го зафати подрачјето меѓу селата Морани, Вртекица и Габер во Општина Студеничани.

— реклама —

На терен биле ангажирани две екипи кои ја следеле состојбата и работеле на координирање на интервенцијата. Поради непристапниот терен, во текот на ноќта не била можна интервенција од земја.

— реклама —

— реклама —

Од ЦУК информираат дека во раните утрински часови, доколку временските услови дозволат, во гаснењето требало да се вклучат и авионите за гаснење пожари.

— реклама —

Екипите остануваат на терен, а состојбата продолжува да се следи. Приоритет, како што наведуваат од ЦУК, се безбедноста на граѓаните и на ангажираните екипи.