ЦУК предупредува: Речиси цела Македонија под висок ризик од пожари

Речиси целата територија на Македонија е со висок метеоролошки индекс за опасност од пожари, покажува најновата анализа на Македонскиот информациски систем за шумски пожари (МКФФИС).

— реклама —

Според Центарот за управување со кризи, состојбата е регистрирана денеска, 10 август, во 12:45 часот, при што единствен исклучок се повисоките делови на Шара.

— реклама —

Иако во моментот нема подрачја со многу висок метеоролошки индекс на опасност од пожари, ЦУК предупредува дека низ целата земја постои ризик од појава на пожари на отворен простор, како и од шумски пожари со висок интензитет.

— реклама —

Поради високите температури и неповолните временски услови, надлежните апелираат на особена внимателност и одговорно однесување на отворен простор, со цел да се спречи избувнување и ширење на пожари.

— реклама —

Од ЦУК посочуваат дека состојбата се следи континуирано преку системот за процена на опасноста од шумски пожари.