ЦУК со пресек на пожарите: Еден под контрола, два изгаснати

Во текот на денешниот ден, до 13:00 часот, во земјава се регистрирани вкупно три пожари на отворен простор, информира Центарот за управување со кризи.

— реклама —

Од нив, нема активни пожари, еден пожар е под контрола, додека два се целосно изгаснати.

— реклама —

Пожарот кој е под контрола е на подрачјето на општините Македонски Брод и Сопиште, поточно во месноста Кајорец кај селото Белица, од каде што се проширил кон Јасен. Зафатена е нискостеблеста и мешана шума.

— реклама —

Во текот на денот се изгаснати уште два пожари. Во општина Липково, кај селото Оризаре, горело стрниште, додека во општина Желино, кај селото Групчин, бил регистриран пожар на ѓубриште.

Од ЦУК наведуваат дека во моментов нема активни пожари на отворен простор.