Д-р Ненад Лазаров: „Не треба да се фалите и да се фотографирате со луѓето на кои им помагате“

Докторот Ненад Лазаров реагираше на начинот на кој се промовира хуманитарната помош, порачувајќи дека помагањето на сиромашни, болни и луѓе кои се наоѓаат во тешка состојба не треба да биде повод за јавно фалење и фотографирање со оние на кои им е потребна помош.

„Кога се дава и помага на сиромашни, болни луѓе, во мака, не се сликаш со луѓето на кои си помогнал, не се фалиш и чаламиш, ниту очекуваш нешто за возврат“, напиша Лазаров во објава.

— реклама —

Тој остро го критикуваше, како што вели, јавното фотографирање при донирање помош, посочувајќи пример со донирање училишни ранци.

— реклама —

„Вразумете се, срамота е со 20-30 донирани училишни ранци да се сликате“, порача Лазаров, додавајќи дека граѓаните секојдневно се соочуваат со ситуации во кои мора да бараат помош за основни потреби, како храна и облека.

— реклама —

Според него, во вакви ситуации најважно е да се зачува човечкото достоинство на оние на кои им е потребна помош.

„Дајте базично човечко достоинство да зачуваме!“, напиша Лазаров.

Тој дополнително посочи дека ваквото однесување е уште посоодветно за критика кога станува збор за донации што се обезбедуваат со јавни средства.

„Особено не кога „донирате“ од заедничките пари“, порача Лазаров.