НЕНАД ЛАЗАРОВ

„Мафија на лажни просјаци“ дејствува околу Клиничкиот центар во Скопје, алармира доктор Лазаров

Доктор Ненад Лазаров јавно алармира дека околу клиничките објекти во Скопје дејствува организирана група лица кои, според него, се претставуваат како просјаци и лица со инвалидитет, а всушност станува збор за добро координирана мрежа што прибира значителни суми пари од граѓаните.„Најсиромашните што движат по клинички, скромни стуткани луѓе со секакви маки дојдени по болнициве најчесто се жртва и даваат пари на овие хоштаплери што глумат просјаци и инвалиди а не се, најверојатно и делат со нив од последните парички. Стратешки се распоредени по клинички.Ве молам денар да не им давате, цела мафија се организирана секој ден илјадници денари укрупнуваат по локални продавници дури и во црквата на клинички, заработуваат повеќе од сите нас, пред некој ден оред мои очи 7000 денари укрупни еден од нив! Со кола доаѓаат со кола си одат. Да сум власт, ова се треба на долго време да се затвори за пример“, напиша доктор Лазаров.

Коментари | пред 1 седмица

(Видео) Не свирете кај Клинички, не го решавате метежот а создавате дополнителен стрес кај најранливите, алармира доктор Лазаров

Доктор Ненад Лазаров, кој работи на Клиниката за гинекологија и акушерство, јавно апелира до возачите да се воздржат од неконтролирано и агресивно свирење на улицата Водњанска и на паркингот во Клиничкиот центар. Тој посочува дека ваквото однесување не придонесува за расчистување на сообраќајниот метеж, ниту на улицата ниту на паркингот, туку создава дополнителна бучава и стрес.„Џабе е, нема да ја расчистите гужвата ни на улица ни на паркингот со манијакално свирење“, порачува Лазаров, нагласувајќи дека најпогодени од ваквата бучава се трудниците, тазе породените жени и, особено, новородените бебиња. Според него, тие се исклучително чувствителна категорија и не треба да бидат изложени на ваков вид вознемирување.Апелот доаѓа во услови на секојдневен сообраќаен хаос околу Клиничкиот центар, каде што зголемената фреквенција на возила често резултира со нетрпеливост кај дел од возачите.

Скопје | пред 2 седмици

Д-р Лазаров по протестите: Ај ако не само за Македонците казни и даноци, се некој е обесправен на етничка основа

Граѓани во повеќе градови во Македонија вчера протестираа поради незадоволство од од измените на Законот за сообраќај, односно од новите одредби поврзани со возачките дозволи и одземањето на возилата.На социјалните мрежи реагираше доктр Ненад Лазаров, кој вели дека постојано некој е обесправен во земјичкава на етничка основа.„Па ај ако не у оваа држава само за Македонците казни и даноци да има.Све некој е обесправен у земјичкава на етничка основа, со сила малоумни се праат, истата земја што очигледно не ја сакате, ама да ја почитувате мора!Сите ние останатите без оглед на етникум сме заложници на сите вас што испрофитиравте на национализам и не поминува веќе, пошто никој не е обесправен на етничка основа туку сите сме обесправени на секоја основа.Овие дивљациве без таблици колите, без возачки - протести праат зошто ги казниле, уште и гуми палат и улици затвараат, оној Села у Чаир поише камери имало од на друго место...Земете стрпајте све тоа у затвор и да продолжиме со сериозните проблеми“, се вели во објавата.

Коментари | пред 2 седмици

Д-р Ненад Лазаров сведок на страшната сообраќајка на Плетвар - помагал на повредените, а сцените ги опиша како ужас

Доктор Ненад Лазаров на социјалните мрежи сподели информација дека бил сведок на страшната сообраќајна несреќа што се случи вчера на патот по Плетвар кон Кавадарци. Вели дека запрел со возилото за да им помага на повредените, а сцените кои ги видел, како што вели, не може да ги опише со зборови.Некои хорори е добро што е невозможно да се прераскажатПред 2 часа како случајни минувачи на патот помагавме на тешка сообраќајка после Плетвар кон Кавадарци, 2ца загинати и 4 души тешко повредени, најстариот околу 40 години.Ве молам и апелирам да возите нормално и внимателно, јас сум лекар 15 години вакво нешто немам видено до сега.Не сакам ни да видам, шокантно беше и вечерва да се молиме сите останатите 4ца сите млади да ги преживеат повредите. Сеа ми треба ракија..., пишува Лазаров

Скопје | пред 3 месеци

Родители заработуваат на болница деца, собираат пари за здравје а одат на одмор и реновираат куќи, сведочи Лазаров

Докторот Ненад Лазаров, кој е еден од основачите на платформата за собирање донации „ECrowd.mk“, сведочи дека родители со пари собирани за здравјето на нивните деца, редновирале објекти и оделе на одмори.„Гледам како родители заработуваат на своите болни деца. На одмори си одат со пари молени за здравјето на дете, си реновираат куќи, им остануваат пари "за не дај Боже" Зарем не ве плаши карма бе луѓе ? Застанавме како ECrowd.mk пред цела јавност со цел свој интегритет за да гарантираме и да направиме да е видливо дека секој денар ќе заврши каде што треба така и ќе продолжиме“, пишува Лазаров и додава:„Ќе направиме се вакви криминалци од најдолен вид да нема повеќе! Апелирам повторно, немојте да донирате на лични сметки ниту денар, сега веќе нема потреба никаква од тоа!“.

Коментари | пред 1 година

Арам да ви е, 100 деца по 20.000 од третман се 2 милиони евра годишно само за донации што одат, болница се прави цела со толку пари, вели Лазаров

Доктор Ненад Лазаров ги искритикува политичарите и властите, кои дозволуваат деца да се лекуваат со донации.„Наместо десетици деца со аутистичен спектар да праќаме по бел свет на прескапи третмани кои никогаш не се еднаш само, 30 години влади искрадоа а невладини испраа пара огромна и никој не направи сериозен голем центар наш, на овие смешни цени за персонал!Арам да ви е, 100 деца по 20.000 од третман се 2 милиони евра годишно само за донации што одат, болница се прави цела со толку пари“, напиша Лазаров.

Коментари | пред 1 година

Боли молкот на интелектуалците за трагедијата во Тетово, вели д-р Лазаров

Доктор Ненад Лазаров е еден од не многуте кои со реакција се јавија по објавувањето на документарецот на ИРЛ за трагедијата во тетовската модуларна болница.Тој повика секој да ја погледне истражувачката сторија.– Истекуваат и 24 часа како фактографски во документарецот на ИРЛ ви беше прикажано дека заради личен профит живи гореа луѓе во т.н. монтажна болница, конкретно се посочени и виновници. Не очекувам протести по улица, она што ме боли е молкот на сите вас т.н. интелектуалци, а повторно се потврдува и дека медиумите се еден од најголемите непријатели на народот! – порача д-р Лазаров.Видно револтиран констатира:– Како ли ни се смееле додека одевме од болница во болница од крај на крај на земјава, по карантини и ноќи да однесеме се можно што успевавме да обезбедиме со помош на народ или што направивме од заштитна опрема, за колеги медицинари оставени голи и боси да се борат со непознато, со хируршки маски против аерогена болест, додека нив им вртел бројчаникот…

Коментари | пред 2 години

Беќаровски и Лазаров формираат независен докторски синдикат

Неодамна, доктор Нико Беќаровски, објави дека дошло време да се формира Независен лекарски синдикат.Сега и официјално, тој почна да го формира Иницијативниот одбор за неговото формирање, а докторот Ненад Лазаров, ќе биде дел од ИО.„Денес имаме посебна чест и задоволство да Ви го претставиме еден од најдокажаните борци за правата на младите лекари и специјализанти, единствениот Др спец. гинеколог Ненад Лазаров, кој е дел од Иницијативниот Одбор на Н.Д.С.Со неговото присуство и активен ангажман уверени сме дека младите лекари и специјализанти ќе ја најдат својата иднина во нашата држава“, напиша Беќаровски на Фејсбук.

Коментари | пред 2 години

Кико почина од генетско заболување, најчест животен век е до 24-25 години, вели д-р. Лазаров

Кико почина од генетско заболување кое оневозможува поправка на DNK, во светот НЕМА ПРЕЖИВЕАН, има неколку регистрирани случаи на преживување до 30 и некоја година кај еден поддтип на болеста, но најчесто животен век е до 24-25 со добра грижа и нега, вели доктор Ненад Лазаров.„Се работи за брзопрогредирачко заболување за кое не постои ефективен третман, со трагичен крај.Никој не го убил детето во случајов, она што е факт и вистина е дека државата нема систем за палијативна нега на терминални пациенти од ниеден вид ама најчесто се тоа возрасни пациенти за кои јавноста нема толку емоции па ваквите случаи ни се шокантни и не се направил притисок тој голем проблем да се реши.По преку илјадници домашни посети сведочев на стотици пациенти кои последните денови од животот немаше каде да бидат згрижени па беа дома, без оглед на тоа дали и какви услови има во тој дом.Смртта на млади е трагична но за да дадеме вредност и не биде залудно треба да научиме од тоа и да се направат промени.Никој не сака да голтне дека ретко која мал држава овозможува експериментални терапии и третмани за терминални или пациенти со ретки болести, кои чинат колку цело примарно здравство, ама уште поболно е и не помага кога сите знаеме и гледаме колку се краде од 91ва навака.Искрено сочувство до семејството, ве молам да не користиме вакви случаи за политички препукувања туку еве на пример за конечно обединување на сите партии околу тоа дека е потребно многу пари, професионалност и деполитизирање на здравството веднаш, зошто од болест, старост и смрт не избегал никој до сега“, додава Лазаров.

Коментари | пред 2 години

Доктор Лазаров за покачувањето на платите на функционерите: Голема шлаканица за сите сегашни и идни млади лекари специјализанти!

Доктор Ненад Лазаров, објасни зошто покачувањето на платите на функционерите е погубно за македонското здравство.„12 до 15 лекари месечно ја напуштаат Македонија.Вчерашното покачување од 78% на плати за функционери е голема шлаканица за сите сегашни и идни млади лекари специјализанти кои добиваат хонорар од 26.000 денари и задолжителни 4 пати месечно БЕСПЛАТНО по 24 часа дежурства. Немаат трудничко.Затоа ќе нема здравство“, вели Лазаров.

Коментари | пред 2 години

„Ако ова не е ратно профитерство, не знам што е, арам да ви е“, вели доктор Лазаров

Доктор Ненад Лазаров се огласи на социјалните мрежи во врска со информацијата дека како јавни набавки за ковид-19 се набавувани производи што не можат лесно да се доведат во врска со пандемијата, како, на пример, службено патничко возило со кожен волан, шест звучници и металик боја.„Не спиевме со денови за да обезбедиме и донираме заштитна опрема, штампаа луѓе на 3Д принтери заштитни визири со ноќи за да помогнат, БЕЗ ДЕНАР да побараат, дури и фабричко производство организиравме и делевме бесплатно, со лични коли од Пехчево до Ресен, плачеа и молеа колеги за помош, секоја едно парче заштитна опрема го споделивме, додека некој профитирал дебело а други лечеле фрустрации од мал пенис со купување аута на народна сметка. Ако ова не е ратно профитерство, не знам што е, арам да ви е“, стои во објавата.

Коментари | пред 3 години