Докторот Ненад Лазаров реагираше на одлуката на Основното јавно обвинителство за гонење на организиран криминал и корупција, според која нема основи за сомнение за злоупотреба при јавните набавки поврзани со изградбата на 19 модуларни болници.
Лазаров во својата реакција вели дека институционалната правда можеби изостанала, но дека одговорноста за трагедијата во која загинаа 14 лица во модуларната болница во Тетово останува запишана во јавната свест.
„Во нашава држава ќе дојде ред да треба да му се извинуваме што сме галамеле на ликови ко Филипче и Кочо и зајакот. Правдава институционална можеби нема, ама народ памти и знае. Тие 14 жртви ви се до крај на век запишани на терет“, напиша Лазаров.
Реакцијата следува откако Обвинителството соопшти дека по извршените проверки и анализата на прибраната документација не утврдило факти што би укажале на злоупотреба на службената положба и овластување или на друго кривично дело што се гони по службена должност.
