Српскиот министер за внатрешни работи Ивица Дачиќ изјави денеска дека не е сигурен дали обвинителството донело одлука за апсење на 13 лица поради падот на настрешницата на железничката станица поради притисок на јавноста или поради тоа што некој навистина се одговорни за тоа, пренесува Н1 Србија.
Тој за ТВ Пинк рече дека обвинителството на полицијата и дало список од 13 лица кои треба да ги приведе и дека секоја понатамошна постапка е во таа институција.
„Од 13 лица, едно не одговори, таа е надвор од државата“, рече Дачиќ.
Зборувајќи за протестот во Нови Сад поради смртта на 15 граѓани при уривањето на настрешницата, тој рече дека ниту еден од тие собири не е регистриран, а одлуката да се постави полиција во Градското собрание е донесена со цел да се намали шанси за конфликт.
„Кога ќе почне интервенцијата, не знаете како ќе заврши. Тие (опозицијата) сакаат, така да се каже интервенција - гледате колку е брутална нивната (полициска) интервенција“, рече Дачиќ.
Тој рече и дека полицаецот чиј штит го украла жена пред зградата на судот во Нови Сад покажал големо херојство.
„Дали таа мисли дека тој не смее да интервенира? И ако интервенира, тогаш ќе се употреби сила“, додаде тој.
Дачиќ рече дека полицијата е толерантна и одбранбена и повеќе од дозволеното и додаде дека тој што ќе го удри полицаецот ќе оди во затвор, наведувајќи дека тоа нема врска со политика.
