Бугарски лекари ќе ја прегледаат Ива Михаилова во Македонија

За Ива Михаилова, која поседува македонско и бугарско државјанство, ќе биде организиран медицински преглед од бугарски специјалисти во соработка со македонски лекари. Македонија дала согласност за прегледот, соопшти бугарскиот пратеник Иван Голомеев од „Прогресивна Бугарија“, пренесува БТВ.

— реклама —

Според неговите информации, официјалната согласност била доставена на 5 октомври, додека бугарската амбасада била известена на 6 октомври. Следно треба да се определат медицинските специјалисти од Бугарија и да се усогласат деталите за заедничкиот преглед.

— реклама —

Михаилова е обвинета во Македонија за тешко кривично дело поврзано со сообраќајна несреќа што се случила во близина на Кочани во октомври 2025 година. Во несреќата загина едно лице, а повеќе лица биле повредени, меѓу кои и Михајлова.

По несреќата, на Михаилова ѝ биле одземени личните документи, поради што не можела да отпатува во Бугарија за лекување. Бугарската страна претходно барала да ѝ се овозможи потребната медицинска помош, додека македонските власти укажале дека случајот е во надлежност на судството.

— реклама —

Апелацискиот суд во Штип на 20 август ја потврдил одлуката на Основниот суд во Кочани со која било одбиено барањето за лекување во Бугарија.

— реклама —

Од „Прогресивна Бугарија“ сега бараат медицинскиот преглед да се организира во најкус можен рок, а врз основа на наодите да се обезбеди и потребното лекување.