Додека десетици мејлови со прашања од „Скопје1“ поврзани со проблемите на скопјани стојат неодговорени во мејл-сандачето на Град Скопје и телефонот на градоначалничката Данела Арсовска, таа вината сака да ја префрли на Советот и себеси да се амнестира. Во јавноста е познато дека Советот чие мнозинство го има ВМРО-ДПМНЕ и Данела Арсовска имаат недоразбирања кои не можат да ги надминат, но Арсовска иако не може да го реши ова, не се повлекува од функцијата. Дотолку повеќе што градот е нефункционален и во делот каде Советот не игра никаква улога.
Во новото соопштение, Арсовска пак му се обраќа на Мицкоски, кој пак, име не и споменува и целосно ја игнорира. На медиумите им посочува и што е наслов на текстот па во дописот стои: „НАСЛОВ: Мицковски излези од деструктивниот филм и деблокирај го Скопје“
„Мицковски нема кредибилитет да зборува за кадровска политика. Особено не откако назначи бивш затвореник за заменик директор на затвор. Или кога назначи главен ревизор за ЕУ фондови, па го разреши за неколку дена.
Мицковски нема кредибилитет да зборува за ветувања, особено не откако го призна Преспанскиот договор за реалност, иако три години ветуваше дека кога ќе дојде на власт ќе го врати името.
Мицкоски повеќе од 2 години е власт во градот Скопје, а сега и во Македонија, затоа наместо да нарачува и да се крие позади партиски соопштенија полни со клевети, уште еднаш го повикуваме да престане со две ипол годишната деструктивна политика на целосна блокада на главниот град преку неговите управни одбори и советници. Ако толку се грижи за градот и за скопјани, на следниот совет наредбата наместо да се блокира да биде да гласаат за спроведување на проектите кои Арсовска и Мицковски заедно ги ветија на граѓаните.
Мицковски можеше и сеуште може, ако сака, да им овозможи на скопјани нови автобуси, нови контејнери, нови машини за собирање смет, повеќе комунални работници, нови зелени површини. Се што треба да направи за да го одблокира градот е да испрати СМС порака на неговите експоненти во градот од денес да работат во корист на граѓаните, а не на партијата.
И за крај, Владата четврта година по ред ја нема платено обврската кон ЈСП за студентскиот стандард. Наместо тоа, еве сега има можност да плати рата за автобусите на Шилегов за кои ВМРО-ДПМНЕ гласаше тој да ги набави“, пишува Град Скопје.
Вчера, Арсовска избега од нашата екипа и од прашањата на скопјани.
https://skopje1.mk/archives/tag/%d0%b0%d1%80%d1%81%d0%be%d0%b2%d1%81%d0%ba%d0%b0
