Дефект на водоводна мрежа на „Рајко Жинзифов“, неколку улици во Центар без вода на 10 август

Дел од корисниците во општина Центар во понеделник ќе останат без вода поради уличен дефект на водоводната мрежа.

— реклама —

Од ЈП „Водовод и Канализација“ информираат дека на 10 август 2026 година, поради дефект на улицата „Рајко Жинзифов“ бр. 32, на водоводна мрежа со профил Ф-80 милиметри, ќе биде прекинато водоснабдувањето.

— реклама —

Без вода ќе останат дел од корисниците на улиците „Рајко Жинзифов“, „Владимир Полежиновски“, „Стефан Јакимов – Дедов“ и „Борка Талевски“.

Прекинот ќе започне во 08:00 часот, а ќе трае до целосното отстранување на дефектот.

— реклама —

Од дежурната служба на ЈП „Водовод и Канализација“ информираат дека, покрај редовното одржување на водоводната и канализациската мрежа, се регистрирани вкупно три интервенции – две во општина Карпош и една во општина Студеничани.