Денес во МАНУ се одржа дебата посветена на новиот Предлог закон за високото образование. По дебатата деканот на ФДУ, Бесфорт Идризи во изјава за медиумите истакна дека имаат доста забелешки на законите, особено во поглед на автономноста.
„ФДУ има многу забелешки. Ние на факултет направивме една работна група која детално се занимаваше со двата закони. Ние имаме еден долг документ со многу забелешки. Реално, тоа што е главно и нешто што веројатно и сите останати факултети и универзитети го забележуваат, тоа е автономноста на универзитетот, автономноста на високото образование, којшто иако декларативно стои во самиот закон, но потоа надолу во останатите членови од законот, се нарушува таа автономност. Од една страна, и од друга страна, тоа што се однесува до нас како уметнички факултети е, речиси, не е земено предвид воопшто нашата специфика, и доаѓаме во судир со многу работи коишто реално во пракса не можат да се реализираат“, вели професор Бесфорт Идризи.
