Ректорката на УКИМ, проф. д-р Биљана Ангелова изјави дека минатата недела, нормативната комисија интензивно работела на сите коментари и забелешки коишто пристигнале од единиците УКИМ, а во петокот, на 20 февруари, била одржана седница на ректорската управа, каде што биле усвоени заклучоците по основа на предложениот закон.
„Генерално, од законот очекуваме по голема автономија за универзитетот и тоа е една од нашите основни приоритети, како функционалната, така и финансиската и кадровската автономија. Очекуваме дека некои делови коишто во моментот сметаме дека се пререгулирани, ќе бидат релативизирани, ќе бидат отстранети, за да може да се остави исто така поголемо автономно право на универзитетите, за да донесуваат посебни критериуми коишто ни се битни за избори и реизбори во звања кај различни професии, бидејќи ние ги покриваме сите научни подрачја, значи, општествени, хуманистички, технички, науки, уметности и така натака и секој еден е со свои специфичности.
Имаме неколку одредби во законот каде сметаме дека може да се направат корекции за да подобриме автономијата, тоа е пред сè во делот на органите на управување на универзитетот, дел од ингеренциите на сенатот како највисок орган од универзитетот. Сега се префрлени во универзитетскиот совет коишто се трансформира од тело во орган на управување на универзитетот. Понатака сметаме дека една академска заедница во Македонија нема да направи диференцијација во квалитетот во високото образование. Критериумите по коишто се избираат наставниците на УКИМ се во моментот највисоките критериуми во земјава“, изјави Проф. д-р Биљана Ангелова
