Деко добивал дојави за полициски и инспекциски контроли, синот го предупредувал за рации – објавени пораки од телефонот на сопственикот на „Пулс“

На денешното рочиште во судскиот процес за трагедијата во дискотеката „Пулс“ во Кочани беа презентирани листинзи од телефонските комуникации на првообвинетиот Дејан Јованов и неговиот син Михајло Јованов, кој е третообвинет во предметот.

— реклама —

Од презентираните докази, добиени од вештачењето на нивните мобилни телефони, произлегува дека Михајло Јованов во една од пораките го известил својот татко за полициска контрола во дискотеката, насочена кон присуството на малолетници.

— реклама —

Според презентираната комуникација, Дејан Јованов му одговорил: „Во ред, нека бидат присутни, многу ги има малолетници, ние, секако, фирмата ќе ја однесеме во стечај“.

— реклама —

На рочиштето била презентирана и комуникација која, според обвинителството, се однесува на дојави за инспекциски контроли од страна на Управата за јавни приходи во дискотеката. Станува збор за инспектори кои во моментов се предмет на истрага во Кочани, а за кои сè уште не е поднесено обвинение.

— реклама —

Според презентираните докази, ваквите комуникации се одвивале во период од околу пет години, од 2020 година, сè до трагичниот настан во 2025 година.