Три лица се повредени откако делумно се урнале кровот и два ѕида од студентски дом во градот Малојарославец, соопштија локалните власти.
Според првичните информации, инцидентот се случил на третиот кат од објектот, а како можен причинител се наведува истекување на гас, изјавил локалниот функционер Вјачеслав Парфенов.
Една жена била затрупана под урнатините, но спасувачките екипи успеале да ја извлечат жива. Таа се здобила со повреди на главата и нозете и е пренесена во болница. Повредени се уште две лица, но засега нема подетални информации за нивната состојба.
Сите лица кои се наоѓале во зградата биле евакуирани, додека службите за итни интервенции продолжуваат со обезбедување на објектот и утврдување на причините за несреќата.
Истрагата за точните околности на уривањето е во тек.
