Жителите на повеќе населби и населени места во Скопје во недела (12 јули) ќе останат без водоснабдување поради дефект на водоводната мрежа, информираат од ЈП „Водовод и канализација“.
Поради дефект на водоводна цевка со пречник од 600 милиметри на улицата „Борис Трајковски“, во близина на бензинската пумпа „Лукоил“ во Пинтија, без вода од 9:00 часот ќе бидат корисниците во Пинтија, Усје, Долно Лисиче, Драчево, Батинци, Студеничани, Моране и Зелениково. Водоснабдувањето ќе биде обновено по завршувањето на санацијата на дефектот.
