Дел од корисниците во општина Центар денес ќе останат без водоснабдување поради дефект на водоводната мрежа.
Од ЈП „Водовод и канализација“ информираат дека прекинот започнал во 8 часот на улицата „Рајко Жинзифов“ бр. 32, каде што е регистриран уличен дефект на водоводна цевка со профил Ф-80 милиметри.
Без вода ќе останат дел од корисниците на улиците „Рајко Жинзифов“, „Владимир Полежиновски“, „Стефан Јакимов – Дедов“ и „Борка Талевски“.
Прекинот ќе трае до отстранување на дефектот, по што се очекува нормализирање на водоснабдувањето.
