Попладне можни пороен дожд, грмежи и град, најави УХМР

Денеска времето во Македонија ќе биде сончево и многу топло, со мала до умерена локална облачност, а попладне на места ќе има услови за пороен дожд, грмежи, засилен ветер и изолирано невреме со појава на град, информира Управата за хидрометеоролошки работи. Максималната температура ќе се движи од 32 до 40 Целзиусови степени.

— реклама —

Во Скопје ќе биде сончево и топло со мала до умерена облачност. Во попладневните часови, во делови од котлината, ќе има услови за краткотраен пороен дожд и грмежи, со слаб до умерен ветер од променлив правец. Температурата ќе достигне до 37 степени, а УВ-индексот е 8.

— реклама —

За утре, 24 август, УХМР најавува локална нестабилност во попладневните часови со пороен дожд, грмежи и засилен ветер. На места ќе има услови и за невреме со силен ветер и град.

— реклама —

Според табелата во прогнозата, утрешните максимални температури ќе се движат од 29 степени во Маврово до 38 степени во Гевгелија и Демир Капија, додека во Скопје се очекуваат 37 степени.

Во текот на новата седмица времето, генерално, ќе биде претежно стабилно и сончево со мала до умерена облачност. Во вторник максималните температури ќе бидат од 32 до 39 степени, во среда од 31 до 38, во четврток од 32 до 38, во петок од 31 до 37, а во сабота од 33 до 39 степени.