УХМР предупредува на невреме: Пороен дожд, грмежи и град во делови од Македонија

Сончево време со мала до умерена облачност ќе преовладува во Македонија, но во попладневните часови се очекува промена со локални врнежи од дожд и засилен ветер, соопшти УХМР.

— реклама —

На места ќе има услови за поизразена нестабилност во форма на невреме, проследено со пороен дожд, грмежи и појава на град.

— реклама —

Ќе дува слаб до умерен ветер од северен правец. Утринските температури ќе се движат од 8 до 16 степени, додека максималните дневни ќе достигнат од 21 до 29 степени.

— реклама —

Нестабилност е можна и во Скопје. Во главниот град ќе биде сончево со мала до умерена облачност, но во делови од котлината ќе има услови за пороен дожд и грмежи.

Ќе дува слаб до умерен северен ветер, а температурата во Скопје ќе се движи од минимални 14 до максимални 24 степени.