Од 3 до 13 степени утрово во Македонија – какво време нè очекува денеска?

Променливо облачно време со повремени локални врнежи од дожд ќе преовладува денеска во Македонија, соопшти Управата за хидрометеоролошки работи (УХМР). Во претпладневните часови во одделни котлини ќе има услови за појава на магла.

— реклама —

Ќе дува слаб до умерен ветер од југоисточен правец, а максималната дневна температура ќе се движи од 16 до 20 Целзиусови степени.

Во Скопје времето ќе биде променливо облачно, со можност за слаба магла претпладне. Во попладневните часови во делови од Скопската Котлина се очекува повремен дожд. Ќе дува слаб југоисточен ветер, а највисоката температура ќе достигне 17 степени.

— реклама —

Утрово најстудено било на Попова Шапка, каде што се измерени 3 степени, додека во Маврови Анови температурата изнесувала 5 степени. Во Берово и Тетово биле измерени 6 степени, а во Крива Паланка и Битола 7 степени.

— реклама —

Во Крушево и Охрид утринската температура изнесувала 8 степени, додека во Прилеп, Претор, Велес и на двете мерни станици во Скопје, на Зајчев Рид и во Петровец, биле измерени 9 степени.

Во Кавадарци и Куманово биле измерени 10 степени, во Струмица 11, во Демир Капија 12, а најтопло утрово било во Гевгелија со 13 степени.

Во изминатите 24 часа, до 8 часот утрово, најмногу дожд наврнал во Гевгелија, каде што се измерени 4 литри на квадратен метар, додека во Претор е регистриран 1 литар на квадратен метар.