Вкупно 13 пожари на отворен простор се регистрирани во земјава до 13 часот, од кои девет се активни, три се под контрола, а еден е изгаснат, информира Центарот за управување со кризи.
Активни се пожарите во:
Ресен – село Подмочани, место викано Макази, каде гори борова шума и ниска вегетација;
Сарај – меѓу селата Копаница и Радуша, зафатени се нискостеблеста шума и ниска вегетација;
Зелениково – над село Палиград, гори мешана шума;
Чашка – над село Нежилово, на местото Сватови, зафатени се ниска вегетација и единечни дрвја;
Боговиње – село Урвич, гори нискостеблеста вегетација;
Врапчиште – село Градец, зафатена е борова шума;
Ново Село – меѓу селата Барбарево и Стиник, зафатени се ниска вегетација и мешана шума;
Струга – село Долна Белица, гори стрниште;
Кривогаштани – село Ловени, зафатена е ниска вегетација.
Под контрола се три пожари. Едниот е на подрачјето меѓу Општините Гостивар и Македонски Брод, кај село Трново кон селата Битово, Заград и Страјане, каде се зафатени нискостеблеста шума, ниска вегетација, пасишта и папрат.
Под контрола е и пожарот кај село Драгов Дол во Општина Македонски Брод, каде гореле ниска вегетација и шума, како и пожарот на градската депонија Острец во Делчево.
Единствениот пожар што до 13 часот е целосно изгаснат е регистриран на клучката Арачиново–Илинден во Општина Гази Баба, каде горело ѓубре.
