Девет лица загинаа во пад на приватен авион во станбена населба во Флорида

Девет лица го загубија животот во авионска несреќа во американската сојузна држава Флорида, откако приватен авион „Лирџет 60“ се урна во станбена населба во близина на Крестхејвен.

— реклама —

Несреќата се случила вчера околу 12:50 часот по локално време. Сите лица што се наоѓале во авионот загинале, соопшти американската Сојузна управа за воздухопловство (ФАА). Американскиот министер за транспорт Шон Дафи ја опиша несреќата како „страшна трагедија“.

— реклама —

— реклама —

Авионот полетал од меѓународниот аеродром Остин-Бергстром во Тексас и се упатил кон аеродромот Норт Елутера на Бахамите.

— реклама —

Причините за несреќата ги истражува Националниот одбор за безбедност во сообраќајот.