„Ќе се срушиме!“: Последните зборови на пилотот пред трагедијата во Флорида

Девет лица загинаа во пад на приватен авион во американската сојузна држава Флорида, откако леталото изгубило огромна височина за само една минута и се урнало во населена област. Пилотот непосредно пред несреќата пријавил натрупување мраз и турбуленции, а во последната комуникација со контролата на летање предупредил дека авионот неконтролирано се спушта.

Според Националниот одбор за безбедност на сообраќајот (NTSB), ова е втората најсмртоносна авионска несреќа во САД годинава. Деветте загинати сè уште не се официјално идентификувани, а властите не соопштиле колку од нив биле патници, а колку членови на екипажот. Нема пријавени жртви на земјата.

— реклама —

Авионот „Лирџет 60“ полетал од меѓународниот аеродром „Остин-Бергстром“ во Тексас и бил на пат кон Бахамите. При ударот во близина на Милитари Трејл, во округот Палм Бич, асфалтот бил деформиран, а на патот се создал голем кратер. Делови од леталото биле расфрлани на широка површина, а дел од нив предизвикале пожари во околните домови.

Околу 600 жители не можеле да се вратат во своите домови поради оштетувањата и блокираните патишта. За нив биле обезбедени привремени засолништа. Сведоци раскажале за силен тресок, чад и пламен, а една жителка изјавила дека нејзината мобилна куќа се запалила од делови на авионот. Во хаосот го изгубила и своето куче.

Неколку минути пред падот, пилотот ја известил контролата на летање дека во авионот се формира мраз, дека надворешната температура е минус 47 степени Целзиусови и дека има умерена турбуленција. Тој пријавил и промени во висината на летот, а потоа побарал дозвола за искачување на поголема височина.

— реклама —

Набргу прогласил вонредна состојба.

„Мејдеј, мејдеј! Се спуштаме со 10.000 стапки во минута“, се слуша во аудиоснимката од комуникацијата со контролата на летање. Во последното предупредување пилотот извикал: „Ќе се срушиме!“

— реклама —

Според податоците од ADS-B Exchange, авионот изгубил околу 27.000 стапки височина за само една минута, пред да престане преносот на податоци. Во областа имало изолирани грмотевици, а леталото поминало низ посилен бурен облак неколку минути пред неконтролираното спуштање. Засега не е утврдено дали временските услови придонеле за несреќата.

Аналитичарката за авијација Мери Скијаво оценила дека снимките од камерите на контролната табла би можеле да бидат важни за истрагата. Таа објаснила дека натрупувањето мраз може да го намали подигнувањето на крилата и да доведе до губење на контролата врз авионот. Можно е силното спуштање да предизвикало и одвојување на делови од леталото пред ударот.

Федералната администрација за воздухопловство (FAA) и NTSB ќе ги истражуваат причините за несреќата. Засега не е познато дали авионот имал зачуван снимач на податоци за летот или снимач на разговорите во пилотската кабина.

— реклама —

Според Фондацијата за безбедност на летовите, ова е најсмртоносната несреќа досега во која учествувал авион од типот „Лирџет 60“.

Девет лица загинаа во пад на приватен авион во станбена населба во Флорида

Девет лица го загубија животот во авионска несреќа во американската сојузна држава Флорида, откако приватен авион „Лирџет 60“ се урна во станбена населба во близина на Крестхејвен.Несреќата се случила вчера околу 12:50 часот по локално време. Сите лица што се наоѓале во авионот загинале, соопшти американската Сојузна управа за воздухопловство (ФАА). Американскиот министер за транспорт Шон Дафи ја опиша несреќата како „страшна трагедија“.Авионот полетал од меѓународниот аеродром Остин-Бергстром в

Свет | пред 11 час