(Видео) Нови детали за трагичната несреќа со авион во Флорида: Објавени снимки од пилотската кабина

Девет лица загинаа во неделата кога деловен авион се урна на улица во станбена населба во американската сојузна држава Флорида. Американскиот министер за транспорт потврди дека нема преживеани меѓу патниците и членовите на екипажот.

— реклама —

Несреќата се случила околу 12:50 часот по локално време, во близина на Крестхејвен, на околу 14 километри од имотот на американскиот претседател Доналд Трамп, Мар-а-Лаго. По ударот останал голем кратер на коловозот, а остатоците од авионот „Лирџет 60“ биле расфрлани по улицата. На земјата нема повредени.

— реклама —

Според Федералната управа за воздухопловство, авионот полетал од Остин, Тексас, и се упатил кон Бахамите. Снимките од комуникацијата со контролата на летање откриваат дека екипажот пријавил проблеми со мраз и врнежи, по што авионот почнал нагло да губи висина.

— реклама —

Еден од членовите на екипажот пријавил вонредна состојба, предупредувајќи дека авионот се спушта со брзина од околу 6.000 метри во минута. Последната порака од пилотската кабина била: „Немаме повеќе време“.

По несреќата биле евакуирани околу 600 жители од блиската населба со мобилни куќи. Ударот предизвикал значителна штета на локалната инфраструктура, вклучително и на водоводните цевки, а надлежните проценуваат дека патот ќе остане затворен најмалку 30 дена.

— реклама —

Во времето на несреќата во областа имало грмотевични бури. Трамп претходно бил на својот имот во Мар-а-Лаго, а со претседателскиот авион „Ер форс уан“ полетал околу еден час пред падот.