СВР Штип поднесе кривична пријава против Н.А. (25) и Р.Ј. (27) од Кочани, како и против Н.А. (22) од Кавадарци, поради сомнение дека сториле кривично дело „неовластено производство и пуштање во промет на наркотични дроги, психотропни супстанци и прекурзори“.
Според Министерството за внатрешни работи, на 30 мај 2026 година, на наплатната рампа кај Кадрифаково, пријавените забележале полициска патрола, по што третопријавената проголтала поголема количина хероин.
По извршеното испитување на Универзитетската клиника за токсикологија, било потврдено дека во нејзиниот организам имало поголема количина хероин.
По целосното документирање на случајот, против тројцата е поднесена кривична пријава.
