Димитриевски во Неготино: Европската комисија нотира напредок во областите во кои работи ЗНАМ

Европскиот извештај за 2026 година претставува потврда за напредокот во областите во кои Движењето ЗНАМ има свои функционери, оцени претседателот на партијата Максим Димитриевски на средбата со граѓаните во Неготино.

— реклама —

На панел-дискусијата под мотото „Две години работа. Две години резултати. Една љубов – Македонија“, Димитриевски истакна дека извештајот на Европската комисија е најверодостојниот показател за институционалниот напредок и резултатите од работата на функционерите на ЗНАМ.

— реклама —

Тој ги посочи областите на правосудството, јавната администрација и дигиталната трансформација, во кои, според извештајот, е забележан напредок. Меѓу конкретните резултати ги наведе усвојувањето на новиот Закон за Судскиот совет, надградбата на Информацискиот систем за управување со човечките ресурси и проширувањето на електронските услуги за граѓаните.

„Резултатите не се мерат според тоа колку гласно зборувате за нив, туку според тоа што навистина сте го направиле. Европскиот извештај е најверодостојниот доказ за оценување на институционалниот напредок“, истакна Димитриевски.

— реклама —

На средбата се обратија и координаторот на пратеничката група на ЗНАМ, Бобан Карапејовски, директорот на Агенцијата за планирање на просторот, Александар Гелевски, и државната секретарка во Министерството за земјоделство, Надица Џерковска.

— реклама —

Димитриевски нагласи дека средбите со граѓаните се дел од политиката на отчетност и можност за разговор за реализираните обврски и идните активности. Тој најави дека продолжува спроведувањето на Акцискиот план на ЗНАМ за 2026 година, со акцент на организациското јакнење, вклучително и формирање Клуб на жени, по веќе формираниот Клуб на млади.