До 13 часот нема активни пожари, соопшти ЦУК

До 13 часот денеска во земјава се регистрирани три пожари на отворен простор, а во моментов нема активни пожари, соопшти Центарот за управување со кризи (ЦУК).

— реклама —

Според информациите, под контрола е пожарот на градската депонија во Штип, каде што евидентирано е внатрешно чадење.

— реклама —

Во меѓувреме, целосно се изгаснати пожарите кај селото Уларци во Општина Чешиново-Облешево, каде што гореле ниска вегетација и стрниште, како и пожарот меѓу селата Дедели и Собри во Општина Валандово.

— реклама —

Во пожарот кај Валандово биле зафатени нискостеблеста шума и прнар на површина од околу 10 до 15 хектари, а надлежните извршиле целосно догаснување.

— реклама —

Од ЦУК информираат дека следниот пресек на состојбата со пожарите на отворен простор ќе биде објавен во 18 часот.