До 13 часот денеска во државата се регистрирани три пожари на отворен простор, од кои еден е сè уште активен, а два се изгаснати, информира Центарот за управување со кризи (ЦУК).
Активен е пожарот во Општина Врапчиште, кај селото Врапчиште, каде што гори ниска вегетација.
Во меѓувреме, изгаснати се пожарите кај селото Добрејци во Општина Струмица, каде што гореле ниска вегетација и отпад, како и пожарот на депонија кај селото Железница во Општина Кратово.
