„До 250 илјади денари грант по работник за вработување млади до 29 годин“, најави ВМРО-ДПМНЕ

Во партиското соопштение на ВМРО-ДПМНЕ се наведува дека преку мерката „Вработување и раст на правни субјекти“ ќе бидат финансиски поддржани микро, мали и средни претпријатија за вработување на вкупно 1.385 лица. За оваа намена е предвиден буџет од 332,65 милиони денари, односно околу 5,4 милиони евра.

— реклама —

Според ВМРО-ДПМНЕ, компаниите ќе можат да добијат неповратни средства за вработување најмногу пет лица, а висината на грантот ќе зависи од категоријата на невработениот. Највисока поддршка, од 250.000 денари по лице, е предвидена за вработување млади до 29 години.

— реклама —

Од партијата наведуваат дека за вработување лица кои се корисници на гарантирана минимална помош, Роми, лица со попреченост, жени, долгорочно невработени лица и жени Ромки со завршено средно или високо образование, грантот изнесува 220.000 денари по лице, додека за невработени лица постари од 29 години се предвидени 160.000 денари.

— реклама —

Во соопштението се додава дека мерката ги опфаќа и македонските повратници, при што за секое вработено лице од оваа категорија работодавачите ќе добијат дополнителни 10 проценти од одобрениот износ, во зависност од категоријата на вработеното лице.

— реклама —

ВМРО-ДПМНЕ оценува дека со овие мерки се создаваат услови за отворање нови работни места, професионален развој на граѓаните и подобрување на деловната клима, што, според партијата, ќе придонесе за понатамошен раст на македонската економија.