До црногорското приморје со авион од Скопје: од мај 2027 година почнуваат директните летови до Тиват

Патувањето од Македонија до црногорското приморје ќе биде полесно од 1 мај 2027 година, кога се очекува да биде воспоставена директна авионска линија меѓу Скопје и Тиват, со два лета неделно.

— реклама —

Новата линија треба да ја подобри авиосообраќајната поврзаност меѓу двете земји и да им овозможи на патниците побрз пристап до една од популарните туристички дестинации во Црна Гора.

— реклама —

Линијата ја најави вицепремиерот и министер за транспорт Александар Николоски на заедничка прес-конференција со црногорскиот вицепремиер Филип Ивановиќ. Николоски посочи дека договорот е резултат на разговорите за подобрување на авиосообраќајната поврзаност, започнати при неговата претходна посета на Црна Гора.

— реклама —

Се очекува директната линија да придонесе за поголема туристичка размена, зголемување на бројот на патници и унапредување на деловната соработка меѓу двете земји.

На средбата било договорено и следната година да се организира голем бизнис-форум на кој ќе учествуваат компании од Македонија и Црна Гора.