Постојат бројни начини на кои хакерите и измамниците се обидуваат да добијат информации за кориснички имиња и лозинки, за да ги искористат за разни измами, уцени и слично.
Неодамна, предупредуваат експертите за безбедност, корисниците на Инстаграм беа мета на прилично лукава измама.
Имено, измамниците им испраќаат мејлови кои се чини дека се испратени од тимот на Инстаграм, информирајќи ги дека нивните профили се избрани за проверка. Е-поштата доаѓа од адресата „ig-badges“, додека нејзиниот наслов содржи „ig badges info“, а за пораката да биде што поубедлива, на врвот и на дното на мејлот има логоа на Facebook и Instagram, пишува. Zimo.hr.
Е-поштата содржи и линк до веб-локација на која треба да кликнете и да ги внесете вашите информации за да пристапите до Instagram на таа страница. Секако, се работи за лажна страница, па со внесување на вашето корисничко име и лозинка за пристап до Instagram, тие информации се предаваат на хакери и измамници. Тие можат да ги користат за да се обидат да пристапат до вашиот профил или да се обидат да пристапат до други услуги, социјални мрежи, е-пошта и слично.
Иако на многумина ваквите „фишинг“ пораки им се сомнителни, а тие се претпазливи и не отвораат линкови, сепак мал дел од корисниците паѓаат на нив и ги даваат своите информации на измамниците и подоцна се каат.
Инстаграм вели дека процесот на верификација никогаш не оди преку е-пошта, туку само преку апликацијата. И
