Докторот на Дачиќ: На интензивна нега е, состојбата е непроменета, но стабилна

Доктор Спасоје Попевиќ утрово изјави дека здравствената состојба на министерот за внатрешни работи на Србија, Ивица Дачиќ, е непроменета, но стабилна.

— реклама —

Неговата состојба е непроменета, засега е стабилна. Продолжуваат мерките на интензивно лекување, ноќта ја помина мирно. Нови информации ќе добиете во 17 часот, секако, доколку има какви било вонредни информации ќе бидете навремено известени“, изјави помошник-директорот на Клиниката за пулмологија при Универзитетскиот клинички центар на Србија, Спасоје Попевиќ, во обраќање до јавноста.

— реклама —

Според информациите од болницата, Дачиќ бил хоспитализиран поради тешка пневмонија и во моментов се наоѓа на респираторна поддршка, под постојан лекарски надзор.

— реклама —

Лекарите посочуваат дека министерот има и дијабетес, како и други придружни заболувања, што дополнително ја усложнува клиничката слика. Поради недоволен ефект од терапијата и наглото влошување на состојбата, било неопходно приклучување на механичка вентилација.

Според српските медиуми, состојбата на Дачиќ нагло се влошила во последните денови, а на болничко лекување бил примен откако на комеморација покажал отежнато дишење, што го забележал и претседателот на Србија, Александар Вучиќ.