Пензиите во Србија растат за 7,5 отсто: Еве колку ќе добиваат пензионерите од јануари

Пензиите во Србија ќе бидат зголемени за 7,5 отсто од декември 2026 година, а новите износи ќе се исплаќаат со јануарската исплата во 2027 година. Републичкиот фонд за пензиско и инвалидско осигурување го објави официјалното решение за усогласување на пензиите.

— реклама —

За пензионерите кои досега примале 25.000 динари, зголемувањето ќе изнесува 1.875 динари месечно, па новата пензија ќе достигне 26.875 динари, пренесува „Блиц“.

— реклама —

Според објавеното решение, за истиот процент се зголемуваат и вредноста на општиот бод, најнискиот износ на пензија, паричниот надоместок за телесно оштетување, надоместокот за помош и нега од друго лице, како и одредени надоместоци врз основа на инвалидност.

На годишно ниво, пензионер со досегашна пензија од 25.000 динари ќе добие дополнителни 22.500 динари, доколку износот не претрпи нови промени.

— реклама —

Исплатата на усогласените пензии започнува со декемвриската пензија, која според редовниот распоред за повеќето корисници ќе биде исплатена во јануари 2027 година. Пензионерите не треба да поднесуваат посебно барање, бидејќи Фондот ПИО автоматски го врши пресметувањето.

— реклама —

Од декември, надоместокот за погребни трошоци ќе изнесува 92.112 динари.