Драма на летот за Рим: Стјуардесата починала пред очите на патниците

Стјуардеса, мајка на три деца од Италија, загинала пред очите на шокирани патници додека се качувале на летот од Калабрија за Рим.

— реклама —

Стјуардесата Габриела Каиро (57), која тој ден била „обичен“ патник, се пожалила дека не се чувствувала добро додека чекала ред на влезната врата.

— реклама —

Сепак, таа не побарала лекарска помош, сакала што поскоро да се врати дома кај сопругот и децата, пишува Daily Mail.

Сите патници биле симнати додека медицинските лица се упатиле кон авионот. Се обиделе да ја оживеат, но напорите им биле залудни.

— реклама —

Трагедијата се случила на аеродромот Реџо Калабрија, југоисточно од Неапол, Италија.

Летот 1156 на ИТА Ервејс за Рим Фиумичино бил одложен, а причината за смртта на Габриела Каиро се уште не е откриена.