Разорниот земјотрес што ја погоди Колумбија во понеделникот предизвика загриженост и во тамошната фудбалска јавност, откако прволигашот Депортиво Переира остана без информации за својот фудбалер Мигел Паласиос.
Паласиос по тренингот се вратил во својот крај, по што му се губи секаква трага. Клубот веднаш започнал потрага по него, но засега нема информации за неговата состојба и каде се наоѓа.
Тренерот Артур Рејес за WIN Sports изјавил дека семејствата на фудбалерите се безбедни и дека нема повредени меѓу нив, но ситуацијата е исклучително тешка поради големите материјални штети предизвикани од земјотресот.
„Имаме еден играч, Мигел Паласиос, кој по тренингот се вратил во својот крај и оттогаш немаме никакви вести за него. Сите сме многу загрижени и се обидуваме да дознаеме што се случува“, изјавил Рејес.
Неколку луѓе кои останале во Переира, меѓу кои и фудбалери кои не отпатувале со екипата, биле испратени да се обидат да стигнат до местото каде што живее Паласиос.
„Испративме неколку луѓе кои се наоѓаат во Переира, вклучително и играчи кои не отпатувале, за да се обидат да го пронајдат. Засега, сепак, не успеавме да стигнеме до него“, додал тренерот.
Потрагата по Паласиос продолжува, додека неговото семејство, соиграчите и клубот со нетрпение очекуваат каква било информација за неговата судбина.
