Драма во рудникот „Трепча“ во Косово: заробени 18 рудари

Во окното на рудникот „Трепча југ“ останале заробени 18 рудари поради проблеми со електричната енергија.

— реклама —

Претседателот на синдикатот Ибрахим Јонузи изјавил дека состојбата на рударите засега е добра, но предупредил дека може да се влоши доколку останат подолго време во окното.

— реклама —

Директорот на рудникот „Стар Трг“, Шиќири Садику, потврдил дека рударите се заглавени од 1:30 часот по полноќ.

„Поголемиот дел излегоа. Во моментов 18 рудари сè уште се внатре, но работиме на изнаоѓање алтернативно решение. Вкупно 50 рудари беа внатре“, изјавил Садику.

— реклама —

Тој додал дека здравствената состојба на заробените рудари е стабилна.

— реклама —

Со рудникот „Трепча југ“ управуваат привремените институции во Приштина, а рудникот подолг период се соочува со бројни проблеми, поради што вработените често организираат штрајкови.