Дрога и дигитални ваги пронајдени при претрес во Струмица, приведен 48-годишник

Пакувања со хероин и кокаин, две дигитални ваги и други предмети со остатоци од прашкаста материја биле пронајдени при полициски претрес во дом во Струмица. Во врска со случајот, од слобода бил лишен 48-годишен жител на градот.

— реклама —

Како што информираат од Министерството за внатрешни работи, на 12 октомври, во 22:10 часот, полициски службеници од СВР Струмица го лишиле од слобода Љ.Ѓ. (48).

— реклама —

— реклама —

Претресот во неговиот дом бил извршен со судска наредба, а полицијата извршила и личен претрес на лицето. Притоа биле пронајдени и одземени дрогата, дигиталните ваги и другите предмети.

Лицето е задржано во Полициската станица Струмица. За случајот бил известен јавен обвинител од Основното јавно обвинителство Струмица, а по целосното документирање на настанот ќе биде поднесена соодветна пријава.