Дрога и нелегално оружје пронајдени при претреси во Куманово, уапсени три лица

Три лица се лишени од слобода во две одделни полициски акции во Куманово, при кои биле пронајдени дрога и нелегално оружје, соопшти Министерството за внатрешни работи.

— реклама —

Во првиот случај, полициски службеници од СВР Куманово го привеле 19-годишниот Г.М. По претрес во неговиот дом, извршен по судска наредба, била пронајдена и одземена марихуана. Тој е задржан во полициска станица, а по целосното документирање на случајот ќе биде поднесена соодветна пријава.

— реклама —

— реклама —

Неколку часа подоцна, полицијата ги привела 45-годишниот Р.С. и 42-годишната Д.В., двајцата од Куманово. При претрес во домот на Р.С., каде што била затекната и Д.В., биле пронајдени бела прашкаста материја, како и пиштол од калибар 7,62 милиметри без дозвола. При личен преглед на Д.В. била пронајдена дополнителна прашкаста материја.

— реклама —

Од МВР информираат дека по целосното расчистување и документирање на двата случаи, против приведените ќе бидат поднесени соодветни кривични пријави.