Работник на ЈП „Национални шуми“ – Подрачно шумско стопанство „Мелешево“ од Берово се здобил со тешки телесни повреди при извршување работни задачи кај Беровско Езеро.
Како што соопшти Министерството за внатрешни работи, на 30 јули во 14:10 часот во ОВР Берово било пријавено дека 61-годишниот С.Ј. од селото Митрашинци, беровско, бил повреден додека работел на место викано „Беровско Езеро“.
Според пријавеното, околу 08:00 часот тој бил со уште двајца колеги, а во момент кога се доближил до приколка за да помогне при утовар на дрва, едно од дрвата се лизнало од приколката и му паднало врз ногата.
Повредениот бил пренесен во болницата во Кочани, каде што му била укажана лекарска помош и му биле констатирани тешки телесни повреди.
За случајот бил известен јавен обвинител, а увид извршиле полициски екипи.
