Државјанка на Украина удри пешак на крстосница во Битола

Педесет и петгодишен жител на Битола се здобил со тешки телесни повреди откако бил удрен од патнички автомобил на крстосница во градот.

— реклама —

Од Министерството за внатрешни работи информираат дека несреќата се случила на 29 јули околу 15:37 часот на крстосницата меѓу улиците „Филип Втори Македонски“, „Јане Сандански“ и булеварот „1 Мај“.

— реклама —

Според полицијата, патничко возило „Киа“ со холандски регистарски ознаки, управувано од 39-годишната У.М., државјанка на Украина со привремен престој во Битола, удрило во пешакот Д.В. (55) од Битола.

— реклама —

Во несреќата пешакот се здобил со тешки телесни повреди, кои биле констатирани во Клиничката болница во Битола.

— реклама —

Увид на местото на настанот извршила увидна екипа на СВР Битола, а се преземаат мерки за целосно расчистување на случајот.