Државниот санитарен и здравствен инспекторат ќе проверува како здравствените установи и медицинскиот персонал постапувале со родилката од Охрид

Министерството за здравство соопшти дека ќе ги проверува околностите поврзани со третманот на медицинската сестра Љубица Шавреска за време на нејзината бременост, која трагично завршила со загуба на плодот.

— реклама —

Од Министерството велат дека со внимание ги следат наводите што Шавреска ги изнесе во јавноста и дека, со цел целосно и објективно да се утврдат сите околности, веднаш побарале од Државниот санитарен и здравствен инспекторат (ДСЗИ) да спроведе надзор над постапувањето на здравствените установи и медицинскиот персонал вклучени во случајот.

По завршувањето на вонредниот инспекциски надзор, Министерството ќе формира и комисија за стручен надзор над работата на здравствените работници кои учествувале во лекувањето на пациентката.

— реклама —

„Министерството за здравство ќе постапи исклучиво професионално, врз основа на утврдени факти и стручни наоди“, соопштија од Министерството.

— реклама —

Оттаму додаваат дека, доколку инспекцискиот надзор утврди евентуални пропусти во постапувањето, ќе бидат преземени соодветни мерки согласно важечките законски прописи.

Министерството посочува дека останува посветено на обезбедување квалитетна и достапна здравствена заштита за секоја пациентка, особено во случаи на бременост со компликации.

Од Охрид до Скопје барала помош, крварела и молела за лекар со страшни болки – бремена медицинската сестра сведочи за часовите пред да го загуби плодот

Медицинската сестра Љубица Шавреска јавно се обрати до Министерството за здравство и до министерот, изнесувајќи тешко лично сведоштво за третманот што, како што тврди, го добила во повеќе здравствени установи додека била во 24+3 гестациска недела, пред нејзината бременост да заврши со загуба на плодот.Шавреска, која наведува дека десет години работи во здравството – две години во приватниот и осум во јавниот сектор – детално го опишува патот од првите болки во Охрид, преку преглед во Струга, пов

Македонија | пред 1 месец