„Претрес“ за судењата, сведоците, правдата: Сопругата на Андреј од ДНК и таткото на Диме за „Пулс“

БРЕМЕНОСТ

(Видео) Д-р Трпчевски откри редок случај: Жена на 58 години остана бремена со тројка по ин витро оплодување

Редок и исклучително комплексен медицински случај објави Болницата „Плодност“, откако пациентка на 58-годишна возраст останала бремена со тројка по постапка на ин витро оплодување.Според информациите што ги сподели д-р Таше Трпчевски, станува збор за пациентка од Србија која била во менопауза пет години. По соодветна подготовка на ендометриумот и со користење донорски јајце-клетки и семен материјал од нејзиниот сопруг, биле создадени три бластоцисти кои биле вратени при ембриотрансфер.Сите три ембриони успешно се имплантирале, а ултразвучниот преглед потврдил тројна бременост. Во моментов пациентката е во деветтата гестациска недела и, според докторот, сите плодови се витални.Д-р Трпчевски посочи дека ова бил трет обид за ин витро оплодување. Тој нагласи дека станува збор за високоризична бременост која бара внимателно следење и мултидисциплинарен пристап.Поради возраста на пациентката, лекарскиот тим препорачал редукција на еден или два ембриона за да се намалат ризиците за мајката и плодовите. Според неговите информации, пациентката планира понатамошните одлуки и медицински процедури да ги реализира во Србија.„Доколку пациентката одлучи да ги износи и роди сите три бебиња на 58-годишна возраст, тоа навистина би бил исклучително редок случај“, изјави д-р Трпчевски.Од болницата наведуваат дека случајот претставува пример за можностите на современата репродуктивна медицина, но истовремено и за предизвиците што ги носат бременостите во подоцнежните години од животот.

Настани | пред 4 дена

Да нема отказ при бременост! Левица поднесе предлог-измени за заштита на трудовиот статус на бремени работнички

Пратеничката група на Левица во Собранието поднесе предлог-измени на Законот за работните односи, со кои се предлага бремените работнички вработени на определено време автоматски да преминуваат на договор на неопределено време по доставување потврда од лекар или надлежен орган.Партијата соопшти дека целта на измените е да се спречи прекин на работниот однос во текот на бременоста и да се зголеми правната сигурност на оваа категорија работнички. Според образложението, иако законската рамка гарантира еднакви права и забрана на дискриминација по основ на бременост, во пракса и понатаму имало случаи каде што на бремени работнички не им се продолжувале договорите на определено време.Во соопштението се наведува и конкретен пример од јавноста од пред околу еден месец, по кој Левица повторно ја отвори темата за заштита на бремените жени на пазарот на труд.Со предложената формулација, во член 46 од Законот за работните односи би се додал нов став, според кој „работниот однос заснован со договор за вработување на определено време се трансформира во работен однос на неопределено време поради бременост, по доставување на соодветна потврда“.Од партијата потсетуваат дека и претходно иницирале измени за целосно укинување на договорите на определено време, кои не добија поддршка во парламентот.Предлог-законот треба да помине низ собраниска процедура, по што ќе се утврди дали ќе биде поддржан од мнозинството пратеници.

Македонија | пред 5 месеци