ДУИ: Албанскиот јазик не е уставен украс. Тој е дел од уставниот поредок

ДУИ преку соопштение реагира на вчерашната одлука на Уставниот суд, оценувајќи дека со неа се создава, како што наведува партијата, опасен преседан за албанскиот јазик и за правната сигурност.

Од ДУИ посочуваат дека, наместо прашањето за објавувањето на правилникот само на македонски јазик да биде разгледано во однос на уставните и законските обврски за објавување на актите и на албански јазик, Судот го разгледувал материјалниот аспект на актот.

— реклама —

Според партијата, уставноста не се однесува само на содржината на актите, туку ги опфаќа и постапката, формата и почитувањето на уставните правила според кои тие се донесуваат и стапуваат во сила.

— реклама —

ДУИ тврди дека Уставниот суд во својата досегашна практика разгледувал и вакви прашања, оценувајќи дека со вчерашната одлука отстапил од сопствената практика.

Партијата прашува што ќе значат уставните правила за постапката и објавувањето на актите доколку објавувањето спротивно на уставните и законските барања повеќе не може да биде предмет на уставна контрола.

— реклама —

Од ДУИ нагласуваат дека, според нив, не станува збор само за еден правилник, туку и за прашања поврзани со албанскиот јазик, правниот поредок и правната сигурност.

— реклама —

„Албанскиот јазик не е уставен украс. Тој е дел од уставниот поредок“, наведува ДУИ, додавајќи дека одлуката не треба да биде ниту нормализирана ниту релативизирана.

Од партијата заклучуваат дека прашањето не завршува со вчерашната одлука на Уставниот суд.