Два активни пожари во Арачиново и Ѓорче Петров, четири изгаснати

До 13 часот денеска на територијата на државата се регистрирани вкупно шест пожари на отворен простор, од кои два се активни, а четири се изгаснати, информира Центарот за управување со кризи (ЦУК).

— реклама —

Активни се пожарите во:

— реклама —

• Општина Арачиново, кај село Брњарци, каде гори ниска вегетација;

• Општина Ѓорче Петров, во населбата Волково, исто така гори ниска вегетација.

Во текот на денот се изгаснати четири пожари.

Во Општина Чашка, кај село Бањица, бил регистриран пожар на ниска вегетација, додека во Општина Струга, кај село Биџево, исто така било интервенирано на пожар на ниска вегетација.

— реклама —

Пожари биле регистрирани и во Општина Врапчиште, кај село Сенакос, каде горела ниска вегетација, како и на депонијата во Делчево.

Од ЦУК продолжуваат да ја следат состојбата со пожарите на отворен простор на територијата на државата.