Два активни пожари во Македонија, 20 изгаснати во последните 24 часа

Во изминатото деноноќие на територијата на државата се регистрирани 23 пожари на отворен простор, соопшти Центарот за управување со кризи.

— реклама —

Според пресекот до 07:30 часот на 11 август, два пожари се активни, еден е ставен под контрола, додека 20 се изгаснати.

— реклама —

Активни се пожарите во Општина Македонски Брод, на местото Видуш во близина на село Драгов Дол, каде што гори ниска вегетација, нискостеблеста шума и грмушки, како и во кумановската населба Средорек, каде што гори ѓубре.

— реклама —

Пожарот во градската депонија во Делчево е ставен под контрола.

— реклама —

Во текот на изминатото деноноќие биле изгаснати пожари и на повеќе локации во Арачиново, Петровец, Илинден, Битола, Новаци, Долнени, Босилово, Радовиш, Струга, Центар Жупа, Кичево, Велес, Градско, Неготино, Штип, Виница и Крива Паланка.