Два активни пожари во земјава: Гори шума кај Маврово и депонија во Шуто Оризари

До 07:30 часот утрово во земјава се регистрирани вкупно 27 пожари на отворен простор, од кои два се активни, три се под контрола, а 22 се целосно изгаснати, информира Центарот за управување со кризи.

— реклама —

Активни се пожарите во Општина Маврово и Ростуше, на месноста Голем Брдаш, каде што гори шума, како и во Шуто Оризари, во Визбегово, зад хотелот „New Star“, каде што гори депонија.

— реклама —

Под контрола се пожарите над селото Палиград – Преслап во Општина Зелениково, во мешана шума, во селото Копаница во Општина Сарај, каде што гори нискостеблеста шума и ниска вегетација, како и пожарот кај селата Пискупштина, Буринец и Локов во Струга, каде што е зафатена нискостеблеста шума.

— реклама —

Во текот на изминатото деноноќие се изгаснати уште 22 пожари на различни локации низ земјава, меѓу кои во Ѓорче Петров, Студеничани, Сарај, Ресен, Ново Село, Радовиш, Велес, Чашка, Демир Капија, Македонски Брод, Штип, Чешиново-Облешево, Делчево, Пехчево, Куманово, Липково, Старо Нагоричане, Теарце и Боговиње.

— реклама —

Меѓу изгаснатите пожари имало зафатено ниска вегетација, шума, депонии, борови шуми, папрат, бали со сено, како и други материјали и површини.