Два одделни случаи на физички напади врз малолетници биле пријавени вчера во Тетово и Гостивар, информираат од СВР Тетово.
Во првиот случај, 52-годишна жителка на Тетово пријавила дека нејзиниот 17-годишен син околу 15 часот бил физички нападнат од три лица во дворот на училиште во Мала Речица. Според пријавата, нападот следувал по претходно недоразбирање, а малолетникот познавал едно од лицата.
Во вториот случај, 36-годишен гостиварец пријавил дека неговиот малолетен син околу 14:45 часот бил физички нападнат од двајца други малолетници на улицата „Иво Лола Рибар“ во Гостивар.
Од полицијата велат дека се преземаат мерки за целосно расчистување и документирање на двата настани.
