Два пожара остануваат активни, три се изгаснати

До 13:00 часот на територијата на Македонија се евидентирани вкупно седум пожари на отворен простор, од кои два се активни, два се ставени под контрола, а три се целосно изгаснати, информира Центарот за управување со кризи (ЦУК).

— реклама —

Активни се пожарите во селото Могила, Општина Могила, каде што гори ниска вегетација, како и кај селото Ропотово во Општина Долнени, каде што е зафатено стрниште.

— реклама —

— реклама —

Под контрола се пожарите на депонијата во Делчево и кај селото Грешница во Општина Македонски Брод, каде што гори ниска вегетација, деградирана шума и грмушки.

— реклама —

Во меѓувреме, изгаснати се пожарите меѓу селата Долно и Средно Коњаре во Општина Петровец, кај селото Паталишта во Општина Гостивар и на депонијата во селото Доброшинци, Општина Василево.