Двајца скопјани измамени за над 2,3 милиони денари со лажни инвестиции во криптовалути

Двајца млади од скопско пријавиле во полиција дека биле измамени за вкупно 2.313.000 денари, откако биле убедени да инвестираат во криптовалути.

— реклама —

Од Министерството за внатрешни работи информираат дека на 28 јули во 14:30 часот во СВР Скопје, 24-годишник и 20-годишник пријавиле дека биле измамени од лицето Х.Д.

— реклама —

Според пријавата, осомничениот ги убедил да вложат пари во криптовалути. Средствата ги уплаќале во менувачница, по што на нивните електронски адреси добивале известувања дека уплатите се успешно евидентирани.

Кога подоцна сакале да ги повлечат вложените средства и остварената добивка, 24-годишникот бил известен дека тоа не е можно без согласност од Х.Д., додека на 20-годишникот му било кажано дека мејловите што ги добивал не се веродостојни.

— реклама —

Тогаш двајцата сфатиле дека станале жртви на измама и случајот го пријавиле во полиција.

— реклама —

Од МВР велат дека се преземаат мерки за целосно расчистување на случајот.