Две лица приведени во гостиварско поради организирање борби со кучиња

Две лица од гостиварско се лишени од слобода поради сомнение дека организирале борби со кучиња, соопшти Министерството за внатрешни работи.

— реклама —

Станува збор за Г.Ј. (44) од селото Топлица и А.А. (46) од селото Чегране, кои се сомничат за кривичното дело „мачење животни“.

— реклама —

Според МВР, полициски службеници од Полициското одделение Галате, во вторникот околу 23:45 часот, на влезот во селото Топлица затекнале група лица и повеќе кучиња со видливи повреди и крварења, за кои постои сомнение дека учествувале во борби.

При увидот, во патничко возило „фиат“ било пронајдено уште едно повредено куче.

— реклама —

Од досегашната истрага произлегува дека приведените претходно се договориле да ги организираат борбите со кучињата.

— реклама —

Двајцата се задржани во полициска станица, а по целосно документирање на случајот против нив ќе биде поднесена соодветна кривична пријава.