Две лица загинаа откако мало летало удрило во кабли, се запалило и се урнало

Две лица загинаа денеска во тешка несреќа со мало летало во северниот дел на Италија.

— реклама —

Несреќата се случила околу 11:30 часот во регионот Пиемонт, во близина на браната Кампичоли, во областа Вербано-Кузио-Осола. Во падот на леталото животот го загубиле 60-годишен маж и 63-годишна жена, соопшти италијанската служба за итна помош.

— реклама —

На местото на несреќата веднаш биле испратени спасувачки екипи, меѓу кои и хеликоптерската служба.

— реклама —

Според првичните информации, станувало збор за жироплан со две седишта. Леталото, кое има горен ротор што не е директно поврзан со моторот, удрило во кабли, по што се запалило и се урнало.

Во спасувачката операција учествувале и пожарникари, кои потврдиле дека леталото избувнало во пламен по ударот во каблите. Причините и околностите за несреќата дополнително ќе се утврдуваат.